L'Asociación pol patrimoniu históricu industrial refuga'l plan de valtu na Fábrica de Gas

La plataforma considera que la construcción de viviendes nel recintu estropiaría la imaxe de "sky line d'Uviéu"

L'Asociación pol patrimoniu históricu industrial refuga'l plan de valtu d'edificios na Fábrica de Gas aprobáu pol Conceyu d'Uviéu, y pendiente de permisu de Patrimoniu Cultural del Principáu. L'Asociación xúnese al pidimientu d'otres asociaciones vecinales de la ciudá, que quieren caltener los elementos industriales de la primer fábrica de lluz y gas que tuvo la capital, por ser parte de la hestoria d'Uviéu.

L'Asociación considera que la construcción d'un edificiu de viviendes nel recintu, como tien previsto'l Conceyu, estropiaría la imaxe de "sky line d'Uviéu", cola catedral y el gasómetru de la fábrica. Amás, destaca elementos únicos que taríen afectaos pol plan de descontaminación aprobáu pol consistoriu.

Fai 20 años n'Uviéu tamién surdió un movimientu vecinal escontra'l valtamientu de la Fábrica. Llamábase "L'equipu Gas Ciudá" que lluchó pol so caltenimientu.

Agora una plataforma y delles asociaciones vecinales yá manifestaron tamién el so refugu al valtamientu.