L'Audiencia Provincial constitúi'l xuráu popular pola muerte de David Carragal

Tres mozos van sentase nel banquín de los acusaos

L'Audiencia Provincial constitúi'l xuráu popular que va xulgar la muerte de David Carragal. El xuiciu va entamar na Sección Tercera de l'Audiencia'l próximu llunes, día 15, y ta previsto que se desenvuelva en cinco sesiones.

Tres mozos van sentase nel banquín de los acusaos, pero la Fiscalía namás imputa a unu d'ellos, Jorge C.C., que nel momentu de los fechos tenía 20 años, al que considera responsable de la muerte del profesor.

L'abogáu de la familia de la víctima, Ángel Luis Bernal, califica los fechos como un asesinatu y pide pal principal acusáu una pena de 16 años de prisión, mientres qu'a los dos amigos que lu acompañaben el día del crime, el 11 de xunu de 2019, impúta-yos dos delitos d'omisión de socorru por nun ayudar a Carragal y interesa que paguen dos  multes de 7.200 euros.

La Fiscalía pidió'l sobreseimientu provisional de la causa escontra los dos amigos del principal acusáu al considerar que nun esisten nicios abondos de criminalidá escontra ellos.