L'Audiencia aprueba la llibertá d'Otero dende'l 3 de mayu dempués de cumplir la so condena

Foi condenada a cinco años y cinco meses de prisión por, ente otres, prevaricación y malversación

L’Audiencia aprueba la llibertá de la que fuere ex-directora de Planificación educativa, María Jesús Otero, dempués de cumplir la so pena pol 'casu Marea'.

Nuna providencia, l’Audiencia aprueba lo que se denoma’l llicenciamientu definitivu dende’l 3 de mayu d’esti añu. Ye dicir, la resolución xudicial qu’afita que, dende esa fecha, la pena cumplióse dafechu.

Otero, que lleva más de dos años, recordamos, en tercer grau fuera de la cárcel, foi condenada a cinco años y cinco meses de prisión por, ente otres, prevaricación y malversación.

Queda pendiente la responsabilidá civil que se-y reclama, que ta pendiente de lo qu’afite’l Supremu sobre los recursos presentaos.