L'Audiencia d'Uviéu refuga los pidimientos de nulidá del casu Ardines

Considera que nun se frayaron los derechos de los acusaos na fase d'instrucción

L'Audiencia Provincial d'Uviéu refugó tolos pidimientos de nulidá interpuestos poles defenses de los cuatro acusaos del asesinatu del conceyal d'IX de Llanes Javier Ardines al considerar que nun se frayaron los sos derechos na fase d'instrucción y alcordó la continuación del procedimientu pa ser enxuiciáu por un tribunal con xuráu.

Al traviés d'un autu, la Sección Segunda de l'Audiencia Provincial tornó dafechu les cuestiones previes plantegaes poles defenses de los acusaos Pedro Luis Nieva, como supuestu inductor, de Jesús M. como supuestu intermediariu y de los arxelinos Djillali B. y Maamar K. como supuestos sicarios.