L'Ayuntamientu d'Ibias cortará l'agua pela nueche

Dende'l consistoriu apunten a un sabotaxe

L’Ayuntamientu d’Ibias viose obligáu a cortar l’agua pela nueche énte la baxada del nivel na madrugada. Dende’l consistoriu descarten que pue ser pol usu non afayadizu de los vecinos.

Nes dos selmanes vinientes l’Ayuntamientu d’Ibias cortará l’agua pela nueche énte la baxada del nivel del agua que sufre’l depósitu qu’abastez la zona alta del pueblu ente les 00:00 y les 6:00 de la mañana.

Dende l’Ayuntamientu indiquen que paez que ye un sabotaxe al sistema d’abastecimientu y afirmen que la policía yá vixila la contornada del depósitu.

Too esto pasa malapenes una selmana dempués de la dimisión del edil socialista Marcos Rodríguez que, borrachu, chocó col so vehículu escontra’l coche de la ex-conceyala del PP y esbarrumbó la muria de la vivienda de la ex-presidenta del PP nel conceyu.

Énte esta situación, los vecinos amosáronse contrarios a falar con TPA Noticies, afirmando que ye un pueblu pequeñu y que nun quieren tener nengún tipu de problema por falar colos medios de comunicación.