L'Ayuntamientu de Navia retirará dos terraces del Parque Campoamor por incumplir les bases d'axudicación

Los hosteleros tán recoyendo robles y yá tomaron acciones llegales

Dos hosteleros de Navia denuncien la retirada de les sos terraces pol Ayuntamientu a namás una selmana de les fiestes de la villa apunten Abraham Elías, xerente de Magu’s Burguer, y Betina Muñoz, xerente d’El Sotanillo.

Dende’l consistoriu afirmen que les bases pa la cesión del espaciu son clares y los establecimientos afectaos nun les cumplieron señala Ana Isabel Fernández, alcaldesa de Navia.

Los hosteleros tán recoyendo robles y yá tomaron acciones llegales.

L’Ayuntamientu procederá mañana a la retirada de les dos terraces y plantégase camudar la norma de cara a años siguientes. La idea del consistoriu ye camudar les bases d’axudicación, pa qu’en casos como esti, les terraces puean ser utilizaes por otros establecimientos nel restu de la temporada.

Los hosteleros entá esperen llegar a un alcuerdu col consistoriu a namás un día de que la retirada se lleve alantre.