L'HUCA recibe a los 250 nuevos residentes que completarán la so formación n'Asturies

Dalgunos trabayarán nel futuru nel sistema de salú d'Asturies

L'HUCA da la bienvenida a 250 nuevos residentes de Medicina, Farmacia, Química, Física, Bioloxía, ente otres especialidaes. Dalgunos d'ellos trabayarán nel futuru nel sistema de salú d'Asturies.

Nel salón d'actos tán sentaos los nuevos residentes de Medicina, ente otres titulaciones, que nos años vinientes van recibir formación nel sistema de salú d'Asturies.

Dalgunos crucen el país. Otros, La Ponte los Santos, como Lidia Seivane, que va especializase nel hospital San Agustín. Javier Martínez vien dende Jaén pa formase como ciruxanu vascular.

Otros queden en casa. Pedro Blanco, de Noreña, quier ser neurociruxanu, y Úrsula Fernández Rodríguez, d'Uviéu, tien clara la so apuesta pola medicina de familia

El fechu de qu'escoyeren la sanidá asturiana amuesa, n'opinión del viceconseyeru de Política Sanitaria, Pablo García, que ye un sistema atractivu, pero tamién reconoz que pa que siga siéndolo, necesita inversión.

El viceconseyeru considera que les xubilaciones de médicos nun van ser un problema nel futuru porque yá se ta trabayando con planificación pa qu'entren más profesionales de los que salen.