L'Institutu Nacional de Silicosis celebra los sos 50 años

Barbón asitia al Institutu de Silicosis a la vanguardia de la sanidá española

El presidente del Principáu d'Asturies, Adrián Barbón, afirmó esti xueves que l'Institutu Nacional de Silicosis "compite nel terrén de la escelencia sanitaria y investigadora" y asitió a esti centru, referente nacional nel tratamientu de los problemes respiratorios, "na vanguardia de la sanidá española".

Nun actu por cuenta de la celebración del 50 aniversariu d'esti centru, Barbón resaltó'l so apueste por convertir Uviéu –y, poro, Asturies- nun polu de desenvolvimientu biosanitariu, "con tolos beneficios científicos y d'estímulu a la investigación y l'anovación que trai".

"Ye un oxetivu que va esixir tiempu y enfotu, que nos obligará a remontar dificultaes, pero al que cada vez nos averamos más. Suelo sorrayar que cuntamos con bones blimes p'asitiar al Principáu a la vanguardia de la sanidá española. Equí tenemos una prueba, porque nesi terrén de la escelencia yá compite con tolos merecimientos esti centru", sorrayó.