L'agua amataga les quemes

Namás queden 10 fueos en seis conceyos

El conseyeru de la Presidencia, Guillermo Martínez, sorrayó güei qu'espera que'l cambéu na situación meteorolóxica n'Asturies, col entamu l'agua y la baxada de temperatures, "puea ayudar a controlar y amatagar les quemes forestales" que dende'l pasáu miércoles afecten a la rexón.

Martínez conseñó la necesidá de ser "prudentes" sobre les causes de les quemes forestales.

Nesti sen, el conseyeru dixo que ye necesario poner "focu" nes persones que lo provoquen, ante los qu'hai qu'actuar con sanciones penales y alministratives.

El conseyeru de Presidencia recordó que, amás de n'Asturies, nestos díes rexistráronse quemes en Castiella y Lleón y Galicia y conseñó que delles de les zones quemaes nun tienen interés ganaderu.

Según l'últimu parte, hai 10 fueos en seis conceyos.

Quemes controlaes

Per otru llau, el delegáu del Gobiernu, Gabino de Lorenzo, nun quixo pronunciase güei sobre si'l cambéu de la Llei de Montes ta detrás de toes estes quemes.

De Lorenzo pidió a ganaderos, gobiernu y ecoloxistes qu'apauten los momentos más afayadizos pa facer quemes controlaes.