L'arxelín implicáu nel crime d'Ardines va declarar per videoconferencia dende Suiza

La declaración ta prevista pa mediaos d'esti mes d'abril

Noticia qu'adelanta TPA Noticies. Suiza da'l vistu bonu pa que declare per videoconferencia l'arxelín presuntamente implicáu nel asesinatu de Javier Ardines.

La declaración ta prevista pa mediaos d'esti mes d'abril. Les xestiones solicitaes pola xueza de Llanes dieron el so frutu y la maxistrada va poder toma-y declaración. L'arxelín, que cumple condena nel país helvéticu por mancadures y tráficu de droga, inda nun pudo ser entrugáu por esti crime.

La Guardia Civil considéralu autor material del asesinatu del ex-conceyal xunto al otru arxelín yá deteníu. Por estos fechos tamién tán en prisión preventiva'l presuntu inductor del crime, Pedro Nieva, y l'home qu'entemedió ente él y los autores, Jesús Muguruza.