L'equipu de gobiernu de Llangréu refuga asumir la xuba de los comedores escolares

Una ventena de families afectaes yá se dieron de baxa del serviciu

L'equipu de gobiernu de Llangréu refuga asumir el costu de la xuba de los comedores escolares. La propuesta plantegada ayeri pol PSOE de Llangréu d'una convocatoria d'ayudes estraordinaries a la conciliación nun convenció al restu de grupos municipales nin a les families afectaes. Afiten que nun ye nin un error nin una competencia municipal cargar col gastu.

Y esixen al Principáu qu'asuma la xuba.

L'alcalde propón soluciones como usar la fianza de 7.000 euros de l'anterior empresa o los 12.000 de superávit que tien el colexu pol comedor.

Según los afectaos, unes 20 families yá se dieron de baxa del serviciu.