L'interior d'Asturies, n'avisu mariellu por lluvia y tormenta

Nel Cordal y Los Picos d'Europa podríen venir acompañaes de xarazu

Toa Asturies, menos la zona costera, caltién esti llunes l'alerta mariella por lluvia y tormenta, según informa l'Axencia Estatal de Meteoroloxía (Aemet).

Tanto la zona suroccidental, como la central y los valles mineros tán n'avisu mariellu pola posibilidá de precipitaciones acumulaes de 15 llitros per metru cuadráu nuna hora ente les dos y les nueve de la nueche.

Nel Cordal y Los Picos d'Europa l'avisu ye pol riesgu de tormenta, que localmente pue dir acompañada de xarazu, situación que tamién se prevé nos valles mineros y zona central.

El pasu d'una depresión d'aire frío en niveles altos dexará esti llunes lluvia y tormenta localmente fuertes en delles zones de la península, sobre manera nel noroeste, Cantábricu, meseta y Andalucía.