La Federación Nacional d’Autocaravanistes apuesta por viaxar per territoriu nacional

Llanza la so nueva campaña turística: 'Cuando nun tengamos que quedar en casa, queda n’España'

El sector turísticu ye unu de los afectaos nesta crisis sanitaria. Nestos díes, cola Selmana Santa a les puertes, rexistraríense miles desplazamientos y dalgunos d’ellos sedríen, como non, n’autocaravana.

Dende la so Federación Nacional, impulsaron una campaña que, col lema 'Cuando nun tengamos que quedar en casa, queda n’España' anima a los sos más de 5.000 socios a viaxar pel territoriu nacional.

Tienen los sos vehículos preparaos, llistos, pa en cuantes que se puea viaxar, facelo, pero ensin salir d’España.

Con cerca de 158.000 autocaravanes censaes n’Epaña y unes 250.000 qu’entrencada añu dende’l norte d’Europa, la Federación d’Autocaravanistes ta convencida de que’l so emburrie económicu pue contribuyir a salvar los efectos nel sector turísticu.

Asturies cuenta con una gran rede, 35 espacios destinaos a estos vehículos, a los que s’amestarán esti añu otres dos, pendientes d’inaugurar en El Valle Baxu de Peñamellera y Corvera.