La Fidma, inaugurada ente anuncios y reproches

Marlaska resalta'l "compromisu" del Gobiernu con una rexón "prioritaria" como Asturies

El ministru del Interior, Fernando Grande-Marlaska, resaltó esti vienres el "compromisu" del Gobiernu central con Asturies, una comunidá que "ye prioritaria y siguirá siéndolo".

Grande-Marlaska fizo estes declaraciones na inauguración de la 67 edición de la Feria Internacional de Muestres d’Asturies (Fidma), que se desendolcará del 3 al 18 d’agostu nel recintu ferial Luis Adaro.

El ministru del Interior calificó como un "auténticu honor" tar n’Asturies, un territoriu que "nun ye ayenu" a la so "historia vital", y al que lu xunen "munchos branos y recuerdos" de la infancia.