La Fiscalía imputa un delitu d'asesinatu a los cuatro deteníos pol crime d’Ardines

Treslladó a los investigaos los fechos que-yos imputa nesti momentu del procedimientu

La Fiscalía del Principáu d'Asturies atribúi la comisión d'un delitu d'asesinatu a los cuatro investigaos pol crime del conceyal d'IX en Llanes Javier Ardines, el 16 d'agostu de 2018 nel llugar llaniscu de Belmonte (Pría).

El Ministeriu Públicu treslladó esti vienres a los cuatro investigaos los fechos que-yos imputa nesti momentu del procedimientu, como afita la Llei del Tribunal del Xuráu.

Según informó la Fiscalía, a Pedro L.N.A., amigu de la víctima, atribúi-y un delitu d'asesinatu como inductor; a los dos presuntos sicarios de nacionalidá arxelina (M.K. y D.B.), como coautores, y a J.M.B., presuntu intermediariu, como cooperador necesariu.