La Fiscalía pide 25 años pa los cuatro acusaos de matar a Javier Ardines

El Ministeriu Públicu dirixe la so acusación escontra Pedro Nieva como inductor

La Fiscalía solicitará una pena individual de 25 años de prisión por asesinatu pa los cuatro acusaos de matar al conceyal de Llanes Javier Ardines el 16 d’agostu de 2018 na parroquia llanisca de Belmonte de Pría.

El Ministeriu Públicu dirixe la so acusación escontra Pedro L.N.A., amigu de la víctima, como inductor; los dos presuntos sicarios de nacionalidá arxelina (M.K. y D.B.), como coautores, y J.M.B., presuntu intermediariu, como cooperador necesariu.

La Fiscalía unvió al Xulgáu d’Instrucción númberu 1 de Llanes el so escritu d’acusación provisional, nel qu’imputa a los cuatro un delitu d’asesinatu con alevosía y mediando preciu.

El Ministeriu Públicu tamién interesa que los acusaos indemnicen con 130.000 euros a la viuda d’Ardines, con 30.000 euros al fíu y otros 25.000 a la fía.