La Fundación Cabrales necesita nueves instalaciones pa envasar cuñes de quesu más grandes

La demanda de porciones de quesu Cabrales ye cada día mayor

Frente a cuasi 195.000 pieces, el Conseyu Regulador del Quesu de Cabrales certificó'l pasáu añu hasta 276.000 cuñes. La mayoría d’elles envásense nuna máquina que xestiona la Fundación Cabrales. Son porciones de 100 gramos, pero'l mercáu demándales daqué más grandes, d'ehí la necesidá d'ampliar les instalaciones.

La Fundación Cabrales ye la gran anfitriona del conceyu. Pela so cueva esposición pasen al añu miles de persones, lo que contribúi a la promoción y divulgación del quesu de Cabrales.

Otra demanda que treslladaron al xerente del Bancu de Tierres, a la directora d'Agroalimentación y al director xeneral del Retu Demográficu ye la renovación de les estanteríes de la Cueva del Cares, que xestiona la Fundación Cabrales y na que maurez el quesu d'un bon númberu d'ellaboradores.