La Guardia Civil fizo l'añu pasáu 30 rescates de monte

Los especialistes encamienten preparar les rutes y llevar agua, ropa d'abrigu y el teléfonu móvil

El senderismu ye una de les actividaes albentestate que más se practiquen a lo llargo d'un branu, que yá ta al volver la esquina. Dende la Guardia Civil de Monte alvierten qu'una planificación previa sobro la ruta resulta fundamental.

Al ser mui cambiante nel monte, conocer la meteoroloxía con antelación tamién ye importante, asegura Pablo Villabrille, xefe del área de monte de Cangues d'Onís.

La tecnoloxía tamién nos va ayudar. Quien salga al monte tien de llevar un gps o'l track de la ruta descargáu nel teléfonu móvil, siempres cola batería mui cargada. Amás de ropa y calzáu afayadizo, na mochila d'un montañeru nunca pue faltar ropa d'abrigu énte una eventualidá, muncha agua y alimentos llixeros.

Con cuenta de faer frente a cualquier eventualidá nel monte, y xunto colos profesionales del Serviciu d'Emerxencies del Principáu d'Asturies (SEPA), la Guardia Civil de Monte va reforzar los sos guardies a lo llargo del branu.