La Obra Pía, símbolu de Piloña

Construyida en 1740, tien los únicos retablos barrocos del conceyu

La Obra Pía de Piloña ye, dende los sos oríxenes en 1740, la sede de la Fundación del Marqués de Vistalegre. Esta fundación siempres tuvo un calter benéfico-docente pero amás tamién fai un llabor cultural, sobre manera en tola fastera, como cunta Andrés Martínez Vega, cronista oficial de Piloña.

La construcción, organizada y decorada según l'estilu eclécticu, pue dividise en dos partes. Una ye orixinal del sieglu XVIII, na qu'amás se caltienen tres retablos barrocos, los únicos del conceyu.

La otra parte, la fachada rehabilitada al rodiu de 1908, que foi construyida sobre la orixinal de la mano del arquitectu Álvarez de Mendoza porque'l patronu de la fundación, el Marqués de Vistalegre, consideró afayadizo reformar l'edificiu p'adaptalu a les circunstancies de la dómina.

Anguaño, los sos usos son sobre manera museísticos anque sigue agospiando la sede d'esta fundación.

Asitiada en plenu corazón de L'Infiestu, la Obra Pía ye, pola so antigüedá y peculiaridá, l'edificiu más simbólicu del conceyu.