La Universidá d'Uviéu collabora nun proyectu pa consiguir hidróxenu verde a partir del agua

La tecnoloxía desenvuelta por esta iniciativa quier prevenir l'escosamientu de los recursos naturales

La Universidá d'Uviéu participa nun proyectu européu pa llograr hidróxenu verde a partir d'agua por aciu d'un procesu electroquímicu xeneráu con lluz solar.

La tecnoloxía desenvuelta por esta iniciativa quier prevenir l'escosamientu de los recursos naturales, satisfaer la demanda creciente d'enerxía y, amás, amenorgar de manera efectiva les emisiones de gas d'efectu ivernaderu, informó la institución académica.

El proyectu 'NEXPECH2' (Next generation photoelectrochemical cell for hydrogen generation) cuenta cola participación d'investigadores franceses, noruegos y españoles.

El propósitu d'esti proyectu ye apurrir hidróxenu verde a un nivel tecnolóxicu avanzáu en términos de "eficiencia, estabilidá, costu de producción y ampliación de dispositivos de conversión d'hidróxenu d'enerxía solar a combustible".