La Universidá estudia cesar alcuerdos con entidaes d'Israel non comprometíes cola paz

El Conseyu de Gobiernu de la Universidá d'Uviéu aprueba la contratación de 398 places de profesoráu

El rector de la Universidá d'Uviéu, Ignacio Villaverde, lleó esti vienres una declaración institucional énte la guerra en Gaza, na que dixo que la institución plantega "revisar" o "suspender" alcuerdos con universidaes, centros d'investigación o empreses israelines que nun espresaren "un firme compromisu cola paz" y el cumplimientu del derechu humanitariu.

Énte'l Conseyu de Gobiernu de la entidá académica espresó qu'esta institución nun pue amosase indiferente énte circunstancies "desaxeradamente graves" que “nun tienen nenguna xustificación".

Villaverde resaltó que los valores qu'aborda toa universidá son la defensa y busca de la paz, "el resolvimientu pacíficu y negociáu de tou conflictu", y, sobre manera, la protección de les llibertaes, derechos humanos y fundamentales de toles persones, especialmente “nes sos vides".