La XE destinará 9 millones a la planta d'hidróxenu verde nel pozu Fondón

Hunosa tien la preautorización de la Confederación Hidrográfica del Norte

El proyectu d’Hunosa pa producir hidróxenu verde a partir d'agua de mina nel pozu Fondón cunta yá con financiación europea. Amás yá cunta cola preautorización de la Confederación Hidrográfica del Cantábricu pa facer usu del agua de la bocamina.

La planta, qu'entamará a construyise nel pozu Fondón en 2027 col envís de que tea operativa en 2029, producirá mediante electrólisis hidróxenu verde, destináu a combustible pa impulsar vehículos de tresporte.

La empresa Alsa collabora nel proyectu d'Hunosa llamáu 'Mine to H2'. Tamién son socios Duro Felguera, Nortegas, la Universidá d'Uviéu y l'Institutu Mineru Polacu, esplica María Lorenzo, directora d'Enerxía d'Hunosa.

Europa financia nueve de los 18 millones que cuesta'l proyectu presentáu güei nunes xornaes sobre transición ecolóxica. El proyectu ye escalable y estensible a otros pozos.

Hunosa cunta yá cola preautorización de la Confederación Hidrográfica del Norte pa usar l'agua del pozu Fondón.