La Xunta Xeneral nagua pola igualdá efectiva pa llograr una meyora digna de la sociedá

La Xunta Xeneral del Principáu aprueba'l so Plan d'Igualdá

La xunta de voceros de la Cámara autonómica aprobó, col únicu votu a la escontra de Vox, una declaración institucional que remarca que'l feminismu ye consustancial a la democracia y que solo avanzando na igualdá efectiva ente muyeres y homes va consiguise que la sociedá "avance de manera digna y xusta".

Con esta declaración, aprobada por mor del 8M, Día Internacional de la Muyer, los grupos firmantes pretenden sumase a esta xornada de reivindicación y llucha en favor de los derechos de la muyeres y a la escontra de la violencia machista.

El testu sorraya que, como espresa Naciones Xuníes, la igualdá de xéneru ye'l mayor desafíu actual en materia de derechos humanos y el progresu de les muyeres ye un factor que beneficia a tola sociedá".

Amás, la Mesa de la Cámara del parlamentu asturianu aprobó esti vienres el I Plan d'Igualdá de la Xunta Xeneral (2024-2028) que nagua pol respetu y la garantía del principiu d'igualdá de tratu y non discriminación, qu'afecta a tolos emplegaos públicos del Parlamentu asturianu.