La campaña d'ocle va llegar hasta setiembre

Entama la campaña del ocle en Llanes col preciu sobre los 51 céntimos por quilo

Yá empezó la campaña d'estracción d'ocle na mariña oriental que se va allargar hasta setiembre. Na so primer xornada, salieron nueve barcos de los cais de Ribeseya, Bustio y Llanes.

Los pañadores esperen una bona campaña y aseguren qu'hai muncha cantidá d'ocle nos campos submarinos. Amás, adelanten que la calidá del alga ye bona porque nun trai la llamada "babosa”. Anguaño, el preciu ta en 51 céntimos por quilo en moyao.

El presidente de la cofradía de pescadores de Llanes asegura que ye una cifra baxa en comparanza con otros años, nos que se pagó a 70 céntimos el quilo.