La contratación de seguros de salú medró más d'un 10% nel segundu semestre de 2020

La saturación de la sanidá pública y les llistes d'espera medren la so demanda

La contratación de seguros de salú medró n'Asturies más d'un 10% nel segundu semestre de 2020. La saturación de la sanidá pública y l'aumentu de les llistes d'espera medró l'interés y la demanda d'esti tipu de productos.

Begoña Suárez Figaredo, vecina de Xixón, contrató un seguru priváu porque necesitaba una resonancia que nun acababa de llegar.

En marzu llegó la pandemia y los hospitales suspendieron pruebes diagnóstiques, consultes y operaciones.

La saturación de la sanidá pública impulsó la demanda de seguros de salú. N'Asturies la so contratación medró más d'un 10% dende xunetu.

Consultes con especialistes y pruebes diagnóstiques son lo más demandao.

Según la patronal Unespa, los de salú son los únicos seguros que medraron na pandemia. N'España aumentaron un 5%.