La depuradora de Maqua va cuntar a partir de xineru coles nueves bombes

Una midida provisional, mientres s'aborda la intervención integral que necesiten estes instalaciones

La depuradora d'agua residual (EDAR) de Maqua, d'Avilés, va cuntar con cinco nueves bombes a partir del próximu 15 de xineru pa garantizar la seguridá nel tratamientu, dientro d'una actuación que va implicar un costu averáu a un millón d'euros y tramitóse'l pasáu branu pol procedimientu d'emerxencia.

La viceconseyera de Mediu Ambiente y Cambéu Climáticu del Principáu, Nieves Roqueñí, foi a la EDAR de Maqua pa recepcionar les cinco bombes llegaes de Suecia que van sustituyir a les que “taben en peligru de dexar de funcionar en cualquier momentu”.