La dinámica social sigue siendo'l factor determinante pal alcoholismu

El perfil de consumu problemáticu iguálase cada vegada más ente xéneros

La dinámica social sigue siendo’l factor determinante pa qu’homes y muyeres presenten un consumu problemáticu col alcohol na so vida y fai que cada vegada haya menos diferencia por xéneru. Ye ún de los datos que s’analicen nes Xornaes Añales d’Alcohólicos Anónimos en Xixón.

N’Asturies, unes 350 persones van a los grupos terapéuticos d’Alcohólicos Anónimos. Son más de 7.000 en toa España. El 30% de los participantes son muyeres.

Un datu esmoleciente que significa que’l perfil de consumu problemáticu iguálase cada vegada más ente xéneros. Baxó’l númberu d’homes y al empar xubió’l de muyeres.

La edá media d’entrada a los programes escontra l’alcoholismu caltiénse nos 44 años y la permanencia nellos suel rondar los 11 años.