La empresa Hijos de Baldomero García busca de nuevo carbón en Quirós

Van facer dos cates horizontales al llau del pueblu de Murias

La empresa minera lleonesa Hijos de Baldomero García busca de nuevo carbón en Quirós. Hasta agora con un permisu d'investigación, con dos cates horizontales pa saber si'l mineral que sal de la tierra al llau del pueblu de Murias, pue ser esplotao pa empreses petroquímiques.

Si fuera asina, la empresa confirma a TPA Noticies que plantegaría pidir los permisos d'esplotación y podría crear hasta 80 puestos de trabayu.

Daqué que se recibe con optimismu, pero tamién procuru y munches duldes nel conceyu, según señala Rodrigo Suárez, alcalde de Quirós y Rubén Ortega, vecín de Murias.

La empresa Hijos de Baldomero García cree que, a finales d'añu, o nel primer trimestre de 2024 van poder saber si esti carbón tien la calidá afayadiza pa la so esplotación.