La falta de lluvia provoca un estiaxe estremu en ríos como'l Seya

A lo llargo de 300 metros na so parte alta ta dafechu secu

La falta d'agua n'Asturies provocó un estiaxe estremu en dellos ríos de la rexón como'l Seya.

Nel so cursu altu, en plenu desfiladeru de los Beyos, el ríu Seya presenta un calce dafechu secu nun tramu de dellos cientos de metros.

El fechu, inusual dafechu, obligó a revisar el calce nos últimos díes con cuenta de prindar y salvar a los pexes que, una vegada rescataos, son devueltos al ríu. La situación ye desconocida dafechu pa los riberanos del Seya.

L'agua vuelve fluyir una vegada perpasaes les grandes piedres cayíes nel so día sobro'l calce del Seya tres dos argayos y qu'actúen como una especie de dique. A partir d'él el llechu del Sella foi xubiendo dellos metros al retener tonelaes de sedimentos.

Namás les esperaes lluvies, que nun acaben de llegar, van poner fin a esta insólita imaxe d'un Seya que va quedar pa la hestoria o que podría repitise si nos próximos años siguen estos episodios de seca.