La familia d’Eloy Palacio formalizará esta selmana’l recursu escontra la sentencia

Bomberos de toa España manifestaránse n'Uviéu en señal de sofitu

La familia del bomberu Eloy Palacio, fináu na quema de la cai Uría, formalizará esta selmana’l recursu escontra la sentencia que considera qu’aquella muerte foi por mor d’una imprudencia del bomberu.

L’abogáu de la familia d’Eloy Palacio cree que los xueces nun tuvieron en cuenta informes periciales de relevancia, como los de la policía xudicial, a la hora d’emitir una sentencia que responsabilizó del accidente mortal a una imprudencia del bomberu.

Insiste en que’l día de la quema hebo falta de coordinación nel serviciu d'emerxencies. Tesis na que basará’l so recursu énte’l TCXA.

Dempués d’un fallu xudicial que supunxo un revés pa la familia, afirma que recibió consultes d’otros bomberos que tienen mieu vese afectaos nel futuru pol conteníu de la sentencia.

P’amosar el so refugu a la decisión de los xueces y sofitar a la vilba y fíos del bomberu fináu, compañeros del parque uvieín manifestaránse mañana peles cais de la ciudá.

Un actu nel que se sumarán bomberos d’otres ciudaes y que cuntará col sofitu de la Coordinadora Unitaria de Bomberos Profesionales.