Radiotelevisión del Principáu d'Asturies Radiotelevisión del Principado de Asturias

Radiotelevisión del Principado de Asturias

Asturias / Concejo a concejo

Fuente: RTPA, 10 de ochobre. 2023 20:29

La fonte de La Foncalada ye l'únicu edificiu civil conserváu del Reinu d'Asturies

En castellano

La fuente de Foncalada es el único edificio civil conservado del Reino de Asturias

Les inscripciones descifraes en 2018 indiquen que nació con simbolismu relixosu

Cuasi 12 siglos lleva’l Fons Incalatum viendo pasar la vida d’Uviéu. Ye’l monumentu civil n’usu más antiguu d’España, La Foncalada, construyida na Alta Edá Media en tiempos del Rei Alfonso II 'El Castu’. Asina lo cunta Sergio Ríos, arqueólogu.

Usos mundanos, como’l que facíen artesanos del cueru o les llavanderes, pa una fonte que quiciabes nació con simbolismu relixosu si tenemos en cuenta los epígrafes llitúrxicos de los sos puntales llaterales descifraos va namás cinco años por José Antonio Valdés Gallego. Asina lo esplica l’historiador, César García de Castro.

En 1998 foi declarada Patrimoniu de la Humanidá pola Unesco en 1998 como parte de la denomación Monumentos d’Uviéu y del Reinu d’Asturies. Una fonte de la que sigue saliendo agua, un agua útil, curativo, invocao, pero dende llueu escepcional y único.