La fuelga de los lletraos de xusticia paraliza los cobros de les cláusules suelu

Adicae calcula que n'Asturies adéldense unos 450 millones d'euros

La fuelga de los lletraos de l’alministración de xusticia, dempués d’un mes, ta paralizando les devoluciones de lo cobrao indebidamente poles entidaes bancaries nes cláusules hipotecaries.

Asina lo afiten dende l’asociación d’usuarios de banca, Adicae. La entrada nos xulgaos d’estes demandes tamién se ta retrasando pola fuelga.

A ello amiéstase que’l 31 d’avientu pasáu dexó de funcionar el xulgáu especializáu en cláusules suelu d’Asturies y los asuntos tán agora entrando en cada xulgáu de primer instancia, yá de por sí, bastante saturaos.

A too ello xúnese que los bancos, a pesar de la xurisprudencia que yá hai a la so escontra siguen recurriendo les sentencies en primer instancia.

Adicae calcula que namás n’Asturies hai unos 450 millones d’euros qu’adelden a los afectaos por cláusules suelu y gastos hipotecarios cobraos de forma indebida.