La fuexa común del cementeriu d'El Condáu, la primera señalizada como 'Llugar de la Memoria'

Entamará a trabayase sobre otros espacios inxertos nel mapa de 408 fuexes comunes

La fuexa común asitiada nel cementeriu de San Esteban d’El Condáu (Llaviana) ye onde ta sepultada la partida del guerrilleru Manuel Caxigal. Los sos ocho miembros fueron asesinaos pol réxime franquista en 1950, sedrá’l primer espaciu señalizáu n’Asturies como 'Llugar de la Memoria'.

Esta selmana entamará a trabayase sobre otros espacios inxertos nel mapa de 408 fuexes comunes que fizo la Universidá d’Uviéu de les que namás se llevantaron 38.

Esos Llugares de la Memoria, que tendrán que ser aprobaos pol futuru Conseyu de Memoria Democrática, cuntarán con una señalética común y unificada que los identificará y qu’inxertará un códigu QR que dexará a los sos visitantes ampliar la información del llugar dende los sos teléfonos.