La merluza del pinchu de Cuideiru algama un valor mediu na rula de siete euros

La cuota d’esta campaña entovía nun s’acabó, pero los pescadores céntrense n’otres especies más rentables

A esgaya y a bon preciu. Asina pue resumise la campaña de la merluza, qu’algamó un valor mediu na rula de siete euros, un euru más qu’en 2018. Y anque nun s’acabó la cuota, los pescadores yá entamaron a dedicase a otres especies más rentables y demandaes pol consumidor, como’l calamar o’l bonitu.

La merluza del pinchu de Cuideiru cuenta cola so propia marca de calidá, lo qu’asegura que ye del día. Amás, gárrase a anzuelu una a una. Ye una de les artes de pesca más antigües y respetuoses cola especie.

Hai unes 40 llicencies, nel Cantábricu, pa la pesca de merluza del pinchu. D’elles, 25 son de marineros de Cuideiru.