La metá de los ayuntamientos perderán hasta un 2% del so presupuestu añal dempués de la sentencia del Supremu

Les parroquies rurales queden cola metá del dineru y munchos proyectos frenaos

En Somáu yá nun habrá nuevu aparcaderu. Taba apalabráu y negociáu col bancu. Pero quedaron ensin la so principal fonte d’ingresos, la tasa que teníen qu’entamar a abonar les empreses de lluz, agua, gas y hidrocarburu por usar el so espaciu. El Supremu acaba d’anular esa tasa y con ello, los sos proyectos señala Francisco González, presidente de la Parroquia Rural de Somáu.

El de Somáu ye namás un exemplu, porque les más de les parroquies rurales asturianes van ver amenorgáu hasta nun 50% el so presupuestu. Cantidaes a les qu’abrió la puerta’l Gobiernu en 2020 y que mui poques llegaron a cobrar asegura José Manuel García del Valle, secretariu xeneral de la Federación de Parroquies Rurales.

Y non solo afecta a les 39 parroquies rurales. La metá de los 78 ayuntamientos asturianos van vese tamién afectaos. Perderán ente un 1 o un 2% del so presupuestu añal. Eso supón ente 17.000 y 45.000 euros por exemplu nel casu de Piloña.

Los Ayuntamientos estudien agora la sentencia, pa ver si hai posibilidá de recursu.