La oposición acusa a Barbón d'engañu sobro'l proyectu del vial de Xove

El proyectu monopolizará'l turnu d'entrugues a Barbón nel plenu de la Xunta

El presidente del PP d'Asturies, Álvaro Queipo, pidió al Grupu Popular nel Congresu de los Diputaos que pida la comparecencia del ministru de Tresportes, Óscar Puente, pa qu'esplique "a toa España los incumplimientos y el vodevil" del cambéu de proyectu del vial de Xove, y sépase que "a Xixón y a Asturies ta maltratándola”, dixo Queipo nuna rueda de prensa.

El dirixente popular afitó que'l presidente Adrián Barbón, la FSA y l'Agrupación Socialista de Xixón conocíen la decisión de modificar el proyectu pa un accesu al cai de Musel per una vía en superficie meses enantes de les elecciones y “ocultáronlo” cola cuenta de dir “dopaos” a los comicios.

La situación creada tres la suspensión del proyectu primeramente previstu pal vial de Xove, en Xixón, una infraestructura concebida p'amenorgar la contaminación que xenera na zona oeste de la ciudá'l tráficu pesáu con destín al cai d'El Musel, y el grau de conocencia del Gobiernu asturianu sobro'l cambéu de planes del Ministeriu de Tresportes monopolizarán el turnu d'entrugues de la oposición al presidente del Principáu, Adrián Barbón, nel plenu de la Xunta Xeneral de la próxima selmana.