La patronal del tresporte per carretera ve difícil y caro descarbonizar el sector

El presidente d'Asetra asegura que supón costos que l'autónomu y les pymes nun puen asumir

El presidente de la patronal del tresporte per carretera d'Asturies (Asetra), Ovidio de la Roza, considera que la descarbonización “ye un elementu ideolóxicu percaru” que difícilmente puea asumir el sector, compuestu na so mayoría por autónomos y pymes.

“La descarbonización ye'l gran problema amestáu pal tresporte per carretera porque va esixir costos que va ser difícil que l'autónomu puea asumir”, dixo'l presidente d'Asetra esti vienres na Feria Internacional de Muestres d'Asturies.

De la Roza dixo que se ta creando “una gran falacia al faer creer que descarbonización ye igual a electrificación” y qu'esisten otres alternatives pa reemplazar al combustible fósil.

Anguaño nun esisten les condiciones de loxística y económiques pa que'l tresporte pesáu puea funcionar con enerxía eléctrico llimpio, señaló.