La plantiya d’Expal entama dos díes de fuelga pa esixir la so continuidá

El Comité d’Empresa refuga les causes daes pola dirección p’aplicar l’ERE

Los trabayadores de la fábrica de munición Expal tán convocaos dende mañana a dos díes de fuelga dempués de l’anuncia de la empresa d’executar un despidu colectivu pa los 52 trabayadores de les sos instalaciones de Trubia, asina como’l cese de l’actividá por causes organizatives y productives.

El Comité d’Empresa refuga les caues daes pola dirección p’aplicar l’ERE al asegurar que Trubia tien asignada de forma esclusiva dalgunos de los componentes metálicos que fabrica Expal, que cuenta con otros seis centros productivos n’España.

El cese de l’actividá en Trubia esixiría a Expal comprar esos componentes a la competencia o treslladar la so producción a otra de les sos factoríes, dos opciones que supondríen un llastre económicu pa la empresa, según los sindicatos.

A pesar de l’anuncia de cese d’actividá, Expal caltendría les instalaciones del antiguu Taller de Municiones de Trubia, alquilaes va tres años al Ministeriu de Defensa una década.