La plaza de toros d'Uviéu va allugar eventos con hasta 5.000 espectadores

El Gobiernu local refuga que vuelvan celebrase corríes na plaza de Buenavista

La plaza de Toros d'Uviéu lleva 14 años cerrada. Ensin usu y declarada en ruina pol Conceyu. Anguaño tán faciéndose los pliegos pa la redacción del proyectu de rehabilitación de la plaza y convertila nun recintu pa conciertos y otros usos con capacidá pa 5.000 espectadores. El Gobiernu local, de PP y Ciudadanos, refugó esta selmana que vuelvan los toros.

La plaza de toros d'Uviéu lleva zarrada 14 años. Tanto la fachada esterior como l'interior de la plaza ta en ruina, invadida polos árboles y la vexetación.

En San Mateo del añu 2007 celebróse la última corrida taurina con Jesulín de Ubrique, El Cordobés y Rivera Ordoñez.

La plaza tien 132 años, y llegó a tener tres pisos d'altor. Unu perdióse nuna quema nos años 30.

Siempres foi amás sitiu de celebración d'otros espectáculos como conciertos.

El preste de Patrimoniu ye pol so grau de protección como "integral monumental". Tanto los vecinos del barriu de Buenavista como'l Conceyu d'Uviéu apuesten por rehabilitar la plaza pa celebrar eventos con hasta 5.000 espectadores, amestando una cubierta retráctil, que se mueva según necesidaes.

Y tamién recuperar el tercer pisu. Eso sí, el Gobiernu local, de PP y Ciudadanos, refugó que vuelvan celebrase corríes taurines na plaza de Buenavista.