La policía espera identificar nes hores vinientes a la madre del ñácaru fináu

Repasa les imáxenes de la cámara de seguridá d’un comerciu cerca’l contenedor

Les hores vinientes son cruciales pa la identificación de los proxenitores del ñácaru atopáu ayeri ensin vida nun contenedor de basura en Xixón.

La policía repasa les imáxenes de la cámara de seguridá d’un comerciu cerca’l contenedor, en Contrueces.

Los axentes siguen falando con testigos a la espera de que l’Institutu de Medicina Llegal acabe l’autopsia qu’entovía se-y práctica al ñácaru por mor de la so dificultá.

Lo que yá se sabe ye que’l neñu nació vivu y nun lo fizo en nengún centru hospitalariu.