La restauración de la mina de mercuriu de Somiedu va arrincar en marzu

El proyectu inclúi l'actuación sobro les dos escombreres de la esplotación

Les obres de restauración ambiental de les escombreres de l'antigua mina de mercuriu María de la Encarnación asitiada en Caunéu (Somiedu) van empezar en marzu y van cuntar con una inversión de 851.676 euros y un plazu d'execución de siete meses, según anunció güei'l vicepresidente y conseyeru d'Alministración Autonómica, Mediu Ambiente y Cambéu Climáticu, Juan Cofiño.

Cofiño, que visitó la zona xunto al alcalde del conceyu, Belarmino Fernández, esplicó que'l proyectu, financiáu colos fondos del Mecanismu de Recuperación y Resilencia, inclúi l'actuación sobro les dos escombreres de la esplotación, productu de los llabores mineros que se ficieron nos años 60 del pasáu sieglu. L'oxetivu ye volver esos espacios, allugaos nuna zona d'altu valor ambiental como'l Parque Natural de Somiedu, a unes condiciones asemeyaes a les orixinales, apuntó.