La ría del Eo camudará la so imaxe nos cuatro años vinientes

Un proyectu quier eliminar los más de los árboles invasores

'Life Fluvial' ye’l nome del proyectu qu’acaba de ponese en marcha y que quier camudar l’aspectu de La ría del Eo y la so contornada.

L’asociación InterEo llevaba años trabayando p’amestase a una iniciativa que quier meyores medioambientales con financiación europea.

Nesta ría trabayaráse en dellos aspectos, pero unu importante pasa por acabar coles especies invasores, como l’ocalitu y que podría meyorar abondo les vistes qu’ufierta a los visitantes.

El proyectu, que yá se desendolca n’otres fasteres del arcu atlánticu, costará tres millones d’euros. El 75% d’eses perres vendrá de la Xunión Europea.