La xuez cierra la instrucción por supuesta apropiación indebida de Villa

Castillejo niega que robara nin gastara nada que nun encargara'l SOMA

La xueza qu'investiga la denuncia del SOMA escontra l'ex-secretariu xeneral del SOMA-UXT, José Ángel Fernández Villa da por cerrada la instrucción.

Considera que los fechos puen ser constitutivos d'un delitu d'apropiación indebida y da treslláu a les partes pa que formulen acusación.

Nel so autu cifra en más de 434.000 euros la cantidá qu'algamara de manera illexítima Fernández Villa, y en cerca de 120.000 euros, l'ex-secretariu del INFIDE Pedro Castillejo.

Güei, l'ex-secretariu de la Fundación pa la Formación, la Investigación, la Documentación y los Estudios Sociales Pedro Castillejo esixó una auditoria "fonda" nel SOMA-UXT, y dixo que tien la conciencia "tranquila", yá que nun "robó un duru", nin gastó nada que nun fuera pal ente o a pidimientu del sindicatu.

"Siéntome como dalgo que dalguién intentó instrumentalizar", reflexonó Castillejo, que s'entrugó quién lo pudo facer, y si podría ser la " xente" que-y presentó la querella por apropiación indebida.