La xuez pide a Suiza estraditar al sicariu contratáu p'asesinar a Ardines

El xulgáu respuende a la decisión de les autoridaes suices de suspender la so entrega

La titular del Xulgáu d'Instrucción de Llanes pidio a les autoridaes suices la entrega temporal d'unu de los dos supuestos sicarios qu'asesinaron al conceyal de Llanes Javier Ardines, y que ta nel país centroeuropéu cumpliendo una pena por un delitu con fuerza.

El Xulgáu llaniscu, qu'en febreru yá ordenó prisión provisional pal presuntu inductor -amigu personal d'Ardines que presuntamente actuó movíu polos celos-, un segundu sicariu y un intermediariu, tramitó la solicitú coles mires d'avanzar nes dilixencies pa rematar el procedimientu.

La xueza pide que s'entregue a esti ciudadanu arxelín, K.M., a partir del 8 de xunetu y por un tiempu máximu de seis meses, informó'l Tribunal Cimeru de Xusticia d'Asturies (TSXA).