La xueza alcuerda el sobreseimientu del 'casu Hulla' escontra Fernández Villa pol empeoramientu de la so salú

El sobreseimientu ye provisional y la causa sí sigue escontra'l restu de los acusaos

El Xulgáu d’Instrucción númberu 3 d’Uviéu acordó’l sobreseimientu provisional de la causa abierta escontra l’ex-líder del SOMA-UXT, José Ángel Fernández Villa, dientro del Casu Hulla pol empeoramientu de la so salú mental.

Nun autu, la maxistrada espón qu’esi emporamientu "fai inviable la so comprensión sobre’l desendolcu del procesu" anque afita que l’ex-dirixente sindical, de 81 años, tendrá que sometese a la revisión periódica del so estáu de salú énte’l supuestu de qu’esta algame condiciones favoratibles.

Nel Casu Hulla investíguense les presuntes irregularidaes cometíes nes obres de la residencia del Montepíu de la Minería en Felechosa, nel conceyu d’Ayer, y afecta a una ventena de persones ente les que ta, amás de Fernández Villa, l’ex-presidente del Montepíu de la Minería Asturiana, José Antonio Postigo.