La xueza prorroga la investigación del 'casu Hulla' hasta'l mes de xunetu

La falta d'un dictame pericial técnicu ye la razón de la prórroga

El Xulgáu d'Instrucción númberu 3 d'Uviéu prorrogó hasta'l mes de xunetu viniente'l plazu pa la conclusión de les dilixencies d'investigación del denomáu “casu Hulla” poles presuntes irregularidaes cometíes nes obres de la residencia del Montepío de la Minería.

Al traviés d'un autu, la xueza acordó prorrogar la instrucción otros seis meses más, a computar dende'l día 29 d'esti mes, a pidimientu de la Fiscalía por mor de la falta d'un dictame pericial técnicu que se solicitare na causa.

Esti dictame viose retrasáu “por mor de la enfermedá y muerte darréu d'un péritu”, según esplica la xueza, y los otros péritos designaos nel procedimientu calculen que nun podrá tar termináu enantes del mes de febreru viniente.