Les empreses Toscaf, Constructora Los Álamos y Vega de Tordín, galardonaos colos Premios Industria 4.0

Los premiaos lleven alantre iniciatives y proyectos anovadores nel ámbitu de la tresformación dixital

Les empreses Toscaf, Constructora Los Álamos y Vega de Tordín fueron galardonaes na cuarta edición de los Premios Industria 4.0, que reconocen la contribución de les compañíes asturianes que, de forma precursora, tán llevando alantre iniciatives y proyectos anovadores nel ámbitu de la tresformación dixital.

El Premiu Industria 4.0 na categoría 'sector primariu' algamólu la empresa Vega de Tordín pol so papel como empresa familiar que, na so sesta xeneración, dixitalizó la producción y comercialización d’un emblema d’Asturies como ye’l quesu Cabrales.

Amás, según el xuráu, inxertóse la sensorización y la robotización al so sistema de producción, utilizando, en particular, tecnoloxíes avanzaes de blockchain pa la trazabilidá del productu, nel marcu de programes europeos.