Les Ampas caltienen el so refugu a nueves vacaciones escolares

Xunta col presidente del Principáu

A falta d'unos díes pa qu'entame'l cursu escolar, la Federación d'Asociaciones de Padres y Madres Miguel Virgós axuntóse esta tarde col presidente del Principáu Adrián Barbón.

Una primer toma de contactu na qu'aprovecharon pa tresllada-y toles sos propuestes pal nuevu cursu. Ente elles, un horariu lectivu adaptáu al calendariu llaboral de los españoles.

El sistema europeísta, que yá adoptó Cantabria, supondría que los escolinos tuvieren un periodu de vacaciones cada dos meses. Una situación a la que nun puen adaptase tolos llares.

A lo que tampoco puen facer frente munches families ye al gastu del comedor. Amás, apunten que les xubíes nos precios del menú, como la sufrida en Xixón, son de competencia local.

Otru de los temes que punxeron sobre la mesa a Barbón ye'l d'una sustitución más rapida énte una baxa d'un profesor.

Amás, meyores nel conveniu de tresporte y gratuidá de llibros y materiales como propuestes de cara a un nuevu cursu nel qu'esperen más participación familiar na comunidá escolar.