Les defenses del casu Ardines aleguen falta de pruebes directes y oxetives

La Fiscalía atribuye l'asesinatu d'Ardines al odiu que-y tenía Pedro Nieva

Les defenses de los cuatro acusaos del asesinatu del conceyal d’IX de Llanes Javier Ardines insistió esti martes na falta de pruebes directes y oxetives a la so escontra, al caltener que nun hai nin testificales, nin visionáu d’imáxenes, nin biolóxiques d’ADN que los identifique y puea asitialos na parroquia de Belmonte de Pría’l día del crime, el 16 d’agostu de 2018.

La Fiscalía caltuvo esti martes que Pedro N. A., acusáu de ser l’inductor del asesinatu del conceyal d’IX en Llanes Francisco Javier Ardines, planificó’l crime cola ayuda d’un intermediariu y de dos sicarios pol "odiu fonderu" que sentía hacia l’edil pola rellación estraconyugal que tenía cola so muyer.

Na primer sesión de la vista oral con xuráu popular qu’entamó esti martes na Audiencia Provincial d’Uviéu pol asesinatu d’Ardines cometíu’l 16 d’agostu de 2018 na parroquia llanisca de Belmonte de Pría, la fiscal insistió na implicación de los cuatro acusaos, pa los que pide una pena individual de 25 años de cárcel.