Les fiances pidíes nel 'casu Hulla' son de les más altes pidíes n'Asturies

Nun tuvieron que pagar pero tienen les sos cuentes y los sos bienes paralizaos

Los fiscales d'Anticorrupción desplazaos dende Madrid pa los interrogatorios, pidieren prisión provisional pal ex-presidente del Montepío, José Antonio Postigo, el constructor Juan Antonio Fernández y l'ex-asesor fiscal, José Manuel Fernández, salvable col pagu d'una fianza de 1.000.000 d'euros nel casu de los dos primeros y de 400.000 euros nel segundu.

Les fiances de Postigo y del constructor son de les más altes que se punxeron n'Asturies namái superaes poles del fraude de subvenciones de la Mina la Camocha, qu'algamaron los 22 millones d'euros pa los cinco acusaos.

Tamién superen a les del casu Renedo. La fiscalía pidió daquella pa la ex-funcionaria mediu millón d'euros de fianza pa llibrar la cárcel, cantidá que llueu rebaxó a 200.000, lo mesmo que se pidió pa la númberu dos d'educación, María Jesús Otero pa salir de prisión o los 100.000 que necesitó José Luis Iglesias Riopedre p'abandonar la cárcel.